Како лесно да ја избушите плочката
Бушењето на дупче во кермачички плочки точно на посакуваното место не е нималку едноставна работа. При тоа може да се случи плочката да пукне или рабовите на плочката да се откршат, па целата работа да изгледа неуредна. Бургијата на плочката ќе пролизга па дупчето ќе го направите барем неколку милиметри на страна, доколку не сте чуле за овој едноставен трик.
Немојте ни да пробувате да ја симнете глазурата од плочката со нешто бидејќи така рискирате целата плочка да пукне. Многу луѓе на тој начин сакаат на направат лежиште за бургијата при бушење на дупчето. Многу е поедноставно преку местото каде што сакаме да ни биде дупчето да залепиме неколку слоја проѕирна трака т.е. обичен салотејп. Пред тоа на плочката треба со пенкало или молив да го обележиме местото каде точно ќе се наоѓа дупчето, со точка или крстче. Низ проѕирната трака трака обележаното место убаво ќе се гледа. На тоа место ќе го поставиме врвот од бургијата и ќе почнеме да бушиме. Додека бушиме препорачливо е да користите правосмукалка за да ја собираме сета прашина од бушењето во самиот момент. Пред се бормашината ќе ја избуши проѕирната трака, а тоа ќе помогне во понатамошното дупчење да не ни пролизга бургијата. Избушеното дупче ќе има чисти и уредни рабови. Откако ќе завршиме со бушење проѕирната трака ќе ја одлепиме од плочката, при што плочката била заштитена и од прашина. На крај ќе ставиме пластична типла со со соодветна големина во дупчето со што ќе ја заштитиме плочката од понатамошно кршење.
|